اکیس کانون فرهنگی, هم پیوندی و همبستگی افغانهای مقیم اتریش
فرخندې ته د عدالت غوښتنه
شيرشاه شريفي
د اوتريش په ويانا ښار کي يو زيات شمير افغانانو د فرخندې قتل کې د عدالت غوښتنه وکړه
غونډه لومړۍ په اطریش کي د افغان فرهنګیانو د ټولني مشر ښاغلي غوث الدين مير په وينا پرانيستل شوه
چي وروسته نورو افغانانو هم د فرخندې دعدالت غوښتني په اړه خبري وکړي
دغه غونډه په اطریش کي د افغان فرهنګیانو ټولنه یا کانون فرهنگ افغانهاي اتریش، په اروپا کې د افغان کډوالو د یووالي بنسټ، د افغان میرمنو لپاره په اروپا کې د خپریدونکې مجلې (بانو) مشرتابه هیئت او په اروپا کې د افغانستان د ځوانانو رهبري هیئت له خوا سمبال شوي وه
غونډي ته راغلو افغانانو د “عدالت عدالت، موږ ټول فرخنده یو”، “جهالت، جهالت د انسانیت دښمن دی”، “فرخندې زموږ خور یې او موږ ځان درنه قربانوو” شعارونه ورکول.
دغو کسانو له دولت نه د فرخندې په قتل کې د ټولو ښکېلو کسانو د مشخصولو او محاکمه کولو غوښتنه وکړه.
او د شهيدي فرخندې عکس ته د احترام په خاتر يويو ګل کيښود
په اخيرکي دانجینر صاحب کریم لخوا د شهيدانو روح ته د قران شريف څو مباراکو ايتونو په تيلاوت سره غونډي ته د پاي ټکۍ کيښودل شو
